د . إAEDSRر . س

5 Ditti Li Saru Kliem Komuni

0
Article Featured Image

Niktbu bil-Biro (pinna) u nħassru bit-Tipp-Ex (correction fluid). Inwaħħlu bil-Gloy, bil-Uhu jew bis-Super Glue (kolla). Difrejna bil-Cutex (nail polish) u xagħarna bil-Brylcreem (gel). It-toroq niksuhom bit-Tarmac (asfalt għal wiċċ it-triq) u l-bank tal-kċina niksuh bil-Formica (laminat dekorattiv). It-taħlita l-ewwel fil-Kenwood (food processor) u mbagħad fil-Griglioso (convection oven). Iż-żarbun nissikkawh bil-Velcro (hook-and-loop fastener) u nibblakkawh bin-Nugget (blakk taż-żraben). Nilagħbu bil-Frisbee (flying disc), bil-Plasticine (modelling clay) u bil-Hula Hoop (toy hoop). Fis-sajf nintelqu fuq il-Li-lo (saqqu tal-arja) u fix-xitwa fil-Jacuzzi (hot tub). U ħallih iħabbat #melażiggsurkappillan

1. Flit

Flit

Il-Flit tipproduċi insettiċidi li tant kienu popolari hawn Malta li l-isem sar nom komuni: “Wirdiiiiena! Mur ġib il-flitt minn taħt it-taraġ”. Issa jkunx Baygon, Pif-Paf jew Shelltox, ma jimpurtax. Għax xorta flitt jibqa’. U minnu saħansitra ħriġna verb, “tifflittja”, li fil-kuntest lokali jfisser tiggassja kamra, anzi dar sħiħa, biex teqred minn wiċċ id-dinja nemusa daqs nofs sufa fit-toqba ta’ mnieħrek.

Bl D3 C0Z

2. Thermos

Thermos

Din ma ġratx fil-Malti biss. Fl-Ingliż, fit-Taljan, fil-Franċiż u f’lingwi oħrajn, isem din id-ditta sar l-isem ġenerali ta’ kull tip ta’ vacuum flask. Però, aħna tajnieh plural Malti. Iktar minn wieħed proprjament. Id-dizzjunarji jniżżlu tliet plurali: “termosijiet”, “termsijiet” (bħal lapes – lapsijiet), u l-plural miksur “triemes” (bħal senter – snieter). Fuq tlieta joqgħod it-termos!

Kafe

3. Hoover

Thermos

Bosta Maltin il-vacuum cleaner, tkun ta’ liema ditta tkun, isejħulha hoover. U anki minn din ħriġna verb, “tiħħuvja”, “Il-qatla tiegħi niħħuvja t-twapet”. Xi wħud jgħidu “tiħħuverja” minflok. Għax aħna hekk, ladarba kelma tidħol fil-Malti, issir tagħna u ngħawġuha u ndawruha u nagħġnuha mal-grammatika kif irridu u kif jogħġobna.

Noo Noo

4. Oxo

Oxo

Fost il-prodotti tal-ikel li toħroġ l-Oxo hemm id-dadi u l-ħwawar. Imma għal xi Maltin dan l-isem jirreferi għal kwalunkwe tip ta’ dadi: tal-ħaxix, taċ-ċanga, tat-tiġieġ, tal-ħut, semmi li trid. Fil-fatt stock cube bil-Malti ħafna jsejħulha “dada”, oħrajn jgħidulha “ċangatura”, “Mal-aljotta tfajt ċangatura tal-ħut”, u xi wħud isejħulha “oksuwa”, “Tinsiex titfa’ oksuwa fil-brodu”. Imma oksuwa mnejn ġiet? Bħalma minn lastku (il-kollettiv) noħorġu lastkuwa (in-nom tal-unità), minn Oxo, jew oksow, noħorġu oksuwa. Grammatikalment tagħmel sens, le le!

Confused Chicken

5. Google

Google

F’ħafna ilsna l-isem Google sar ifisser magna tat-tiftix fuq l-internet, tkun liema tkun. U spiss dawn il-lingwi jnisslu wkoll verb minnu, bit-tifsira ta’ tfittex xi tagħrif online: bl-Ingliż “to google”, bil-Ġermaniż “googeln”, bit-Taljan “googlare”, bil-Kroat “guglati”. Anki bil-Malti tista’ “tiggugilja”. U jekk trid tista’ “tittwitja” (Twitter), “tiskajpja” (Skype) u “tinstagramma” (Instagram). Jekk tiggugiljahom, kollha jitilgħulek.

Google

Share this with a friend who’s guilty of these!

READ NEXT: 5 Kelmiet Biex Tgħajjar

You may also love

View All

Thank you for subscribing!

Your email has been added to our list.

lovinmalta.com says

Do you agree to share your location with us?